اصدق كلماتى

الاخوة والاخوات ارجوا قبول كلماتى كما هى فانا لم اجرى عليها اى تعديل ولكنى كتبتها كما نطقها قلبى فهى اصدق كلماتى لذلك التمس منكم بعض التجاوزات فى الاوزان والقوافى ولكم تحياتى ناديه

كتير يادنيا بنتظلم وكتير بتقسى علينا
حتى حبايبنا هما الى ظلمونا
جرى لك ايه يازمان كفايه ظلم علينا
احسن دمانا خلاص سالت على كل جزء فينا
عجبت ليك يازمان مافيش طريق امشيه
الا وارجع منه رامى عليه الحزن
رامى عليه الظلم رامى عليه قساوة اغلى ناس لينا
وقساوة الغالين اصعب اوى علينا
ياريتنا ماعرفناهم وقلبنا حس بيهم ولا حتى حبناهم
دور معايا ياقلبى على اى فرحه وهاتها
باين عليك يافرح مش هنلاقيك تانى
راحت مع الغالين وراحت ليالينا
بابكى على نفسى ولا على حبايبى
مسكين ياقلبى حزين مجروح تملى معايا
جرح الفراق ده بسيط انا بابكى جرح الظلم
على قد عمرى انا عشت وشفت ظلم كتير
لكن ظلم الحبايب اصعب من اى ظلم
ظلم الحبايب مر والله مرار الصبر
نفسى اعيش وارتاح وارجع اصالح نفسى
عارفه الطريق ده اكيد هو طريق ربى
ربى عليه حنين عادل تملى وعدل
عمرى ما هبعد عنه هو ابويا وامى
هو حبيبى الصح هو رفيق مشوارى
عوضى عليك يارب من كل ظلم وغدر

الهم ارزقنا حبك وحب من احبك وحب كل عمل يقربنا لحبك
امين يارب العالمين
ناديه